Роналдо на удар: Еве што зборуваше некогаш за Светското првенство, а еве што денес!

Кристијано Роналдо повторно даде интервју за британскиот новинар Пирс Морган, предизвикувајќи бројни коментари со својата изјава за Светското првенство.

Роналдо ретко се појавува во медиумите последниве години, а кога го прави тоа, обично е кај Морган.

Португалската ѕвезда повторно направи интервју пред неколку дена, а веднаш штом се појави на YouTube каналот на англискиот новинар, веднаш стана фокус на јавноста.

Роналдо зборуваше за многу теми и призна дека неговата кариера се ближи кон крајот, што и самиот го разбира, и дека планира спектакуларна свадба со Георгина по Светското првенство следното лето.

Но, најголемо внимание привлече изјавата на Роналдо дека трофејот на Светското првенство не му е толку важен и не игра толку голема улога во дискусијата околу тоа кој е најдобриот фудбалер на сите времиња.

Многумина веруваат дека Лионел Меси со освојувањето на Мундијалот ја затвори таа дебата засекогаш, но Роналдо не се согласува со ова, и зборовите што ги изрече во споменатото интервју го поставија под голем притисок.

“Ако ме прашуваш дали ми е сон да освојам Светско првенство – не, тоа не е мојот сон. Дали тоа треба да одлучува дали сум најдобар во историјата? Освојување на еден турнир со шест-седум натпревари. Мислиш дека е тоа правично? За мене не е,” рече Роналдо.

Сепак, ваквата изјава му се врати како бумеранг на Португалецот бидејќи пред Мундијалот 2022 година, кога неговиот најголем ривал Меси го освои споменатиот трофеј со Аргентина, тој зборуваше сосема поинаку.

Природно, на интернет останаа забележани сите тие изјави на Роналдо за тоа колку соништа и желби има да го освои Светското првенство, а овие денови го “ловат”.

“Како што реков многупати, мојот сон е да освојам нешто големо со Португалија. Светското првенство за мене е најголемиот сон без никаква дилема”, е само една од неговите изјави.

@forbarcaa.fcb Messi Effect 💀. | Ib: @absolutemessi || #messi #argentina #fyp #fypシ゚ #foryou ♬ original sound – 𝐅𝐂𝐁ᴼᴍᴄ

Но, откако Меси го направи тоа прв со Аргентина, очигледно Португалецот промени биографија и тврди дека освојувањето на Светското првенство не треба да одлучува во дискусијата за тоа кој е подобар играч меѓу нив двајца.

Роналдо ќе има уште една шанса да го стигне Меси во тоа, бидејќи е речиси сигурно дека ќе биде дел од португалската репрезентација следното лето на Светското првенство.