Поранешниот италијански напаѓач Антонио Касано (43) упати остра критика на сметка на квалитетот на Серија А, тврдејќи дека лигата ја одржува жива исклучиво страста на навивачите, додека фудбалската сцена во Италија е во целосна стагнација. Касано смета дека на играта ѝ недостасува ритам и флуидност, со прекумерно одолжување што ја прави гледањето на некои натпревари вистинска „мака“, а падот на квалитетот се одразил и на слабите резултати на италијанските клубови во Европа, пишува Goal.com.
Последните резултати на италијанските тимови во Лигата на шампионите биле повод за неговите зборови. Интер беше единствениот клуб што оствари победа, совладувајќи го белгискиот Унион со убедливи 4:0.
Воздухот што нè убива: Зошто Скопје е меѓу најзагадените градови?
Наполи под водство на тренерот Антонио Конте доживеа шокантен пораз 6:2 од ПСВ, додека проблемите на Јувентус продолжија со пораз 1:0 од Реал Мадрид, со што нивниот низа без победа продолжи на седум натпревари. Разочарувачката недела ја заокружи Аталанта на Иван Јуриќ, играјќи 0:0 со прашката Славија.
Овие неуспеси поттикнаа нова расправа за состојбата на италијанскиот фудбал. Поранешната ѕвезда на Реал Мадрид и Милан тврди дека бавниот стил на игра, одолжувањето и недостатокот на реформи довеле до брутално досадна игра во Серија А.
„Италијанското првенство е мизерно, не нуди никакви емоции. Само страста на навивачите го држи на живот, но квалитетот е навистина низок. Тоа е непријатно, речиси срамно. Гледањето на некои натпревари е мака. Нема ритам, нема спектакл”, изјави Касано.
.
Учество во игри на среќа е дозволено за лица со 18+ години. Играј одговорно!