Зицер за голови: Барселона вечерва ќе се соочи со тренер против кој постигнала 85 голови!

Фудбалерите на Барселона вечерва се среќаваат со Олимпијакос, што значи и средба со Хосе Луис Мендилибар.

Се работи за легендарниот шпански стратег, кој му донесе трофеј на Олимпијакос во Конференциската лига. Пред да пристигне во Грција, Мендилибар водеше шест клубови против Барса: Ваљадолид, Осасуна, Еибар, Леванте, Алавес и Севиља.

Од 2007 до 2023 година, Мендилибар се сретнал со Барселона дури 27 пати, а статистиката вели дека забележал дури 23 порази, три нерешени исходи и само една победа, која ја извојува против Барселона на Пеп во сезоната 2011/12.

Најзабележителниот податок е дека Мендилибар против Барселона примил 85 гола, што е просек од над три гола по меч.

Очигледно ова е вистински избор за обложувачи кои сакаат голови, а натпреварот на „Монжуик“ е закажан за 18.45 часот.