После Гарначо Челзи носи уште еден незадоволен играч на Јунајтед!

Гарначо ова лето пристигна од Манчестер во Лондон, а по негови стапки би можел да тргне и Коби Мајну.

Британските медиуми откриваат дека Енцо Мареска сака да ја зајакне позицијата на дефанзивниот везист и дека Мајну му е голема желба.

Мајну нема многу простор кај Рубен Аморим, веќе се пишуваше за неговото незадоволство поради недоволната минутажа, па Челси сака да го искористи тоа.

Мајну оваа сезона на терен помина само 203 минути на шест натпревари, од кои целиот го одигра само во Купот на Лигата против Гримзби.

Младиот 20-годишен везист има договор до 2027 година, а Transfermarkt го проценува на 50.000.000 евра.

Да потсетиме, Мајну е дете на Јунајтед, а за првиот тим има одиграно 78 натпревари, со седум голови и три асистенции.