Наполи, под раководство на Антонио Конте, сериозно се насочи кон засилување на десната страна на одбраната пред зимскиот трансфер период.
Според англиските медиуми, во фокусот на актуелниот шампион на Италија е Мајкл Кајоде, 21-годишен бек на Брентфорд и млад репрезентативец на Азурите.
Од лозје до чаша: Уметноста на виното со Теодор Бојаџиев | Уште еден поткаст
Кајоде, роден Италијанец со нигериски корени, ја помина школата на Јувентус, се профилираше во дресот на Фиорентина, а Брентфорд го доведе на почетокот на годината за 18 милиони евра и го врза со договор до 2030 година.
Во Премиер Лигата оваа сезона собра седум настапи – сѐ уште без конкретен учинок, но го привлече вниманието со своите центаршутови и неуморен радиус на движење, што совршено му одговара на тактичката филозофија на Конте.
По пристигнувањето на капиталните засилувања од Премиер Лигата, Де Брујне и Хојлунд, тимот од југот на Италија изгледа уште помоќен.
Со пет победи во шест кола, водат во Серија А со 15 бодови, а потенцијалното доаѓање на Кајоде би било уште еден шаховски потег во борбата за одбрана на титулата.
Учество во игри на среќа е дозволено за лица со 18+ години. Играј одговорно!