Во Сараево задоволни од Велкоски: Македонецот по само три месеци добива нова улога!

Поранешниот македонски фудбалер, Крсте Велкоски, а сега и технички директор на Бордо тимот, ќе добие ново унапредување во рамките на неговата улога во клубот од Кошево, дознава Klix.ba.

Имено, на денешното заседание на Собранието на Фудбалскиот клуб Сараево, Велкоски ќе биде назначен за нов генерален директор, преземајќи ја функцијата од Тарик Трбиќ, кој својот ангажман го заврши на 30 мај годинава.

На оваа седница на Собранието ќе се случи уште една промена во управните структури на клубот.

На местото на поранешниот член на Управниот одбор, Хајрудин Капетановиќ, ќе дојде Аднан Хоџиќ.