Меси блеска како во најдобрите денови: Со два гола и асистенција доненсе победа за Интер Мајами (Видео)

Лионел Меси продолжува да блеска во МЛС лигата со нови два гола за Интер Мајами.

Интер гостуваше во Њујорк, каде противник им беше тимот на Сити, а екипата од Мајами извојува победа од 4:0..

Во 43. минута, Меси успеа да асистира на Балтазар Родригез за да постигне водечки гол од 1:0.

Во 74. минута, Меси покажа дел од магијата која го красеше низ сите овие 20 години.

Откако Серџио Бускетс маестрално го додаде до него, Меси се најде сам пред голманот и со рутински го совлада за 2:0.

По погодокот на Луис Суарез во 83. минута за 3:0, само три минути подоцна повторно беше време за Меси да се истакне.

Овој пат, буквално „прошета“ низ одбраната и со прецизен удар го погоди подалечниот агол.

Со ова, Меси стигна до 24-ти гол и 11-та асистенција оваа сезона во МЛС, а осми пат завршува натпревар со два гола.

Со оваа победа, Интер си обезбеди учество во плејофот на МЛС лигата.