Барселона има голем план и се вика – Ерлинг Халанд!

Барселона постави нова, амбициозна цел која подразбира значителна финансиска инвестиција.

Каталонскиот клуб се извлече од финансиската криза која ја потишти, но сѐ уште не е онаа Барселона која беше позната по големи трошоци. Сепак, нивниот интерес е насочен кон можеби најскапиот напаѓач на светот во моментов.

Како потенцијален наследник на Роберт Левандовски, во Барселона го гледаат Ерлинг Халанд. Норвежанецот е на врвот на желбите на Жоан Лапорта, но добивањето на неговиот потпис нема да биде лесно.

Халанд ја започна и оваа сезона во одлична форма, покажувајќи конзистентен квалитет. Манчестер Сити засега нема намера да го продаде. Дури и ако Барселона ипрати понуда, таа би требало да достигне 170 милиони евра, според извештаите на шпанските медиуми.

Роберт Левандовски е во зрели играчки години и почесто се соочува со повреди, што го наведе клубот од Каталонија да размислува за замена. Халанд е најпосакуваната цел. Но, доколку неговата цена биде преголема, Барселона можеби би се свртила кон уште една англиска ѕвезда покрај Маркус Рашфорд – Хари Кејн.