Кошаркарската репрезентација на Германија го освои Европскиот шампионат. По драматична завршница, водени од Денис Шрeдер, Германците ја победија Турција со резултат 88:83. Германскиот плејмејкер успеа да го промени текот на играта во последната четвртина и обезбеди триумф за својот тим.
Зошто проблемот со улични кучиња СÈ УШТЕ постои? | Уште еден поткаст
Германија ја започна првата четвртина поуспешно. Играчите на Алан Ибрахимаѓиќ ја освоија четвртината со 24:22, но во втората четвртина, Турција презеде водство на теренот и на полувреме отиде со предност од шест поени (46:40). Германија одговори на сличен начин во третата четвртина, освојувајќи ја со пет поени разлика, така што последните 10 минути започнаа речиси израмнето (67:66).
Последната четвртина донесе вистинска драма. Пет минути пред крајот, Германците губеа со 76:74, но двете репрезентации периодично си го преотстапуваа водството. Влегувајќи во последните две минути, Турција водеше 81:80, но веднаш потоа се појави Даниел Тајс и ги постигна своите први поени.
Шејн Ларкин на следниот напад со мајсторија под кошот повторно ја врати предноста на Турција. Одговор од ист вид пристигна од Денис Шредер, продолжувајќи ја неизвесноста.
Алперен Шенгун промаши под кошот, што на Германија и даде шанса за зголемување на предноста. Во клучните моменти, Шредер маестрално постигна тројка, приближувајќи го својот тим до победата. Со успешните слободни фрлања во последните секунди, ја запечати победата.
Учество во игри на среќа е дозволено за лица со 18+ години. Играј одговорно!