Мареска нема милост – брутално отпиша две ѕвезди: Повеќе за нив нема место во Челси!

Неверојатно нешто направи менаџерот на англискиот гигант Челси – Енцо Мареска. За него Рахим Стерлинг (30) и Аксл Дисаси (27) повеќе не се дел од овој клуб.

Рахим Стерлинг и Аксл Дисаси нема да одиграат ниту секунда во дресот на лондонскиот Челси. Таква е одлуката на менаџерот Енцо Мареска.

Италијанскиот експерт не смета на услугите на овие две sвезди. Тоа го потврди пред продолжението на сезоната и го направи на многу ладнокрвен начин.

„Тие се играчи на Челси, но моментално тренираат одвоено од тимот и планот е така да продолжи”, рече Мареска и додаде:

„Не сум видел ниеден од нив, ни Аксл ни Рахим. Тренираат одвоено од тимот во други термини и различен распоред. Не сум ги видел од почетокот на сезоната. Нема начин да се вратат во тимот.”