Карлос Алкараз (22) триумфираше на годинешниот УС Опен. Во финалниот меч го совлада првиот светски тенисер, Јаник Синер, со резултат 6:2, 3:6, 6:1, 6:4 и го освои својот шести Гренд Слем турнир, вториот УС Опен, откако првиот пат ја освои оваа титула во 2022. година.
Ова беше дуел помеѓу најдобрите двајца тенисери во светот, финале кое многумина го предвидуваа уште пред почетокот на турнирот. Синер во полуфиналето го порази Феликс Оже-Алиасим, додека Алкараз беше подобар од Новак Ѓоковиќ.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Синер започна со сервис, но веднаш го загуби гемот. Брејкот на Алкараз го насочи текот на првиот сет, каде што Синер често грешеше без потреба, а Шпанецот ги искористи сите тие шанси и го освои сетот со 6:2.
Иако Синер изгледаше надвор од игра, во вториот сет работите се променија. Алкараз почна да прави грешки, што Италијанецот ги искористи за да го освои сетот со резултат 6:3. Моментумот беше на негова страна, но првата приказна се повтори во третиот сет.
Во третиот сет, Алкараз беше уште подоминантен, завршувајќи со 6:1 во негова полза. Синер повторно правеше слични грешки како во првиот сет, а Шпанецот го искористи тоа за водство од 2:1 во сетови.
Четвртиот сет беше најизедначен, до резултат 2:2, кога Алкараз повторно направи брејк и се оддели. До крајот на сетот, секој тенисер ги освојуваше своите сервис-гемови, што значеше дека Алкараз го освои сетот со 6:4 и ја потврди победата и освојувањето на УС Опен титулата.
Ова беше нивни 15-ти меѓусебен дуел и 10-та победа на Алкараз. Шпанецот оваа сезона освои седум турнири, додека ова му беше вториот освоен Гренд Слем турнир оваа година, по неговата победа на Ролан Гарос.
Учество во игри на среќа е дозволено за лица со 18+ години. Играј одговорно!