Нејмар по тешкиот пораз: Никогаш не сум доживеал нешто слично. Срам ми е.

Вчера вечер, тимот на Сантос доживеа вистински дебакл во натпреварот против Васко да Гама (0:6), во рамките на 20-то коло од бразилското фудбалско првенство.

Овој резултат влезе во историјата како најголемата победа на Васко против Сантос и најголемата разлика во голови во речиси сто години натпреварувања помеѓу овие два клуба.

Гостите од Рио де Жанеиро поведоа во 18-та минута со голот на Лукас Питон. Во продолжение, одбраната на домашниот тим целосно се распадна: Давид зголеми во 52-та минута, Филип Кутињо постигна голови во 54-та и 61-та, Рајан го реализираше пеналот во 59-та минута, а Че Че ги постави конечните 0:6 во 67-та минута.

По завршувањето на натпреварот, тој беше исклучително искрен: “Играта ни е катастрофална. Ужасно е и неприфатливо. Фановите имаат право да нè напаѓаат и критикуваат денес. Тоа мора да го прифатиме. Срам ми е. Никогаш во животот не сум доживеал вакво нешто.”