Милан има нова мета, тргнува по напаѓач од Премиер лигата!

Се чинеше дека Душан Влаховиќ ќе го засили тимот на Милан, меѓутоа последните вести укажуваат дека Србинот нема да стане дел од славниот европски шампион.

Според новите информации од Италија, „росонерите“ се откажаа од Влаховиќ и го насочија своето внимание кон Расмус Хојлунд.

Манчестер јунајтед првично побара 40 милиони евра за неговиот трансфер, но со се поизвесно доаѓање на Шешко во редовите на „ѓаволите“, англичаните изгледаат подготвени да ја намалат цената.

Милан, наводно, е заинтересиран за позајмица на Хојлунд со можност да го откупат по крајот на сезоната. Дополнително, Данецот би прифатил плата од шест милиони евра, што е двапати пониско од сумата што ја бара Влаховиќ.

Поради тоа, Милан реши да ги прекине преговорите со Јувентус и да го фокусира своето внимание на привлекување на Хојлунд. Данецот нема ништо против да се врати во Италија, бидејќи порано играше за Аталанта.