Наполи не се откажува од врвниот крилен играч

Антонио Конте чини напори ова лето во Наполи да доведе еден класичен крилен напаѓач.

Првиот избор беше Болонскиот Ден Ндое, но таа зделка пропадна и Швајцарецот сега е блиску до Нотингем Форест.

Вториот избор беше „бомбастичен“, бидејќи Наполи се обиде да му го „украде“ на Интер „пред нос“ Адемола Лукман и да го купи од Аталанта, но Нигериецот тоа го одби и изјави дека сака само во Интер.

Денес италијанските медиуми пренесуваат дека се појавиле уште две сериозни опции и дека Наполи е решен да ангажира или Џек Грилиш од Манчестер Сити или Енрико Киеза од Ливерпул.

Цифрите кои Наполи е подготвен да ги понуди за овие двајца не се објавени, но се верува дека нема да надминат 15.000.000 евра.