Не се памети вакво нешто: Изгубија 4-0 во првиот натпревар, па во реваншот се вратија – имаа 60 удари кон голот!

Најпопуларниот фудбалски клуб во Финска, ХЈК Хелсинки, постигна неверојатно чудо во европското натпреварување, успевајќи да надополни дефицит од четири голови од првиот натпревар со рекордни 60 упатени удари против тимот на Рунавик (Фарски Острови) во реванш средбата.

ХЈК забележа пораз од 4:0 на Фарските Острови во првата средба. Малкумина веруваа дека тимот од Хелсинки може да му прати одговор на противникот и да обезбеди продолжување во следната етапа на Конференциската лига.

Сепак, чудото се случи. Финците веруваа во напредок и од самиот почеток на реваншот создадоа вистинска бурја од напади над гостите.

Да, точно е, ХЈК Хелсинки упати 60 удари кон кормилото на Рунавик, вклучувајќи и продолженија. Регуларното време се заврши со 4:0, истиот резултат како и претходно на Фарските Острови.

Финската екипа успеа да ја обезбеди сопствената шанса за продолженија со голот за 4:0 дури во 94. минута, кога Џорџиос Анцоулас погоди за ерупција на задоволство во Хелсинки и ја одведе играта во екстра времето.

Во дополнителните минути им беа потребни само три за да го издвојат конечниот триумф, кога Сантери Хостика реализираше за конечен резултат од 5:0.

Следната фазата, во второто коло од предквалификациите, ХЈК ќе се соочи со бугарскиот тим Арда.

🇫🇮HJK Helsinki have joined one of European football’s most exclusive clubs.

After losing 4–0 to NSÍ Runavík in the first leg, they pulled off a stunning 5–0 win today, recording 60 shots and scoring a 94th-minute goal to force extra time, before finishing the job to advance.… pic.twitter.com/45JSidNb3D

— UEFA Obscura (@UEFAObscura) July 17, 2025