Јувентус го сака Санчо, но испратил понижувачка понуда

Санчо наводно се договори со Јувентус, но клубовите уште не го постигнале потребниот договор!

Џејдон Санчо повторно е дел од Манчестер Јунајтед, и сега се поставува прашањето каде ќе ја продолжи кариерата оваа сезона.

Јувентус е заинтересиран да го има во своите редови и веќе почнале преговори со него, договорот е навидум постигнат, како што известуваат одредени италијански медиуми, но се уште недостасува согласност меѓу Јувентус и Манчестер Јунајтед.

Сепак, понудата што ја доставија, не ги задоволува критериумите на Манчестер Јунајтед.

Јувентус понудил скромни 10.000.000 евра за 25-годишниот играч, сума која е многу помала во споредба со она што Манчестер Јунајтед ја потроши за негово ангажирање.

Манчестер Јунајтед бара дополнителни 15 милиони евра, но Јувентус има финансиски потешкотии и не располага со доволно средства за реализација на овој трансфер.

Многу ќе зависи и од ситуацијата со Нико Гонзалес, кој би можел да замине од клубот во текот на ова лето.