ПСЖ ќе се збогува со Емери: Отворени опциите за новиот наследник

Постои голема веројатност дека Унаи Емери ќе ја заврши својата мисија во ПСЖ на крајот од оваа сезона доколку не ја освои Лигата на шампионите.

Овој шпански тренер имаше разочарувачка измината сезона и вистинско чудо е како остана на клупата и оваа сезона, а се поставува големо прашање дали ќе го преживее ова лето на клуппата на тимот.

Неколку кандидати има за негова смена.

Прв на листата е Мурињо, но тој е врзан за Манчестер Јунајтед, па ќе биде многу тешко да се донесе. Иако, истото се зборуваше за Нејмар , па Бразилецот е сега во Париз.

Масимилијано Алегри се јавува како кандидат и е нешто пореална опција, а алтернатива е и Маурисио Покетино, сегашниот предводник на Тотенхем.

„Мундо Депортиво“ денес пренесува дека Алегри е фаворит, дека тој е основна алтернатива за челниците на ПСЖ, а и дека ќе се обидат да направат се за да го придобијат да премине во Париз.