Амбициозен потег: Интер Мајами ангажира сонародник на Меси

Интер Мајами, клубот каде што настапува Лионел Меси, планира да испрати официјална понуда за аргентинскиот репрезентативец Родриго Де Пол, објави аргентинскиот спортски медиум „Diario Olé“.

Со овој потег, американскиот клуб ја потврдува својата амбиција да создаде силен и конкурентен тим во МЛС, градејќи го околу Меси и потенцијално дополнувајќи го со уште еден клучен играч од „златната генерација“ на Аргентина.

Де Пол, кој моментално игра за Атлетико Мадрид, има важна улога и во клубот и во националниот тим. Засега не е познато дали „јорганџиите“ се подготвени да се разделат со него, но понудата од Интер Мајами би можела да биде привлечна, особено ако играчот е заинтересиран за нов предизвик и повторно обединување со Меси.

Фото: Grok AI