ФИФА подготвува нов „земјотрес“: Клубовите се бесни, се плашат за иднината на фудбалот

Се подготвува нов потег во светскиот фудбал кој сигурно ќе предизвика многу коментари од страна на љубителите на фудбалот, но и од страна на клубовите.

Светското клупско првенство со 32 тима на кое домаќин е САД стигна до нокаут фазата, а за овој формат веќе се размислува и за четири години.

ФИФА размислува опција Катар да биде домаќин на следното Светско клупско првенство во 2029 година.

Катар сака уште едно домаќинство по Мундијалот во 2022 година и се чини дека има поддршка од ФИФА.

Сепак, планот е првенството во 2029 година да се одржи зимно време, како и за репрезентации во 2022 година.

Овој термин секако не би одговарал на многу клубови, особено оние од Европа.

Поради тоа, клупското првенство би било во средината на европските сезони и календарот би бил тотален хаос.

Фото: Принтскрин