Бразилскиот фудбалер Нејмар постигна договор со Сантос за новиот договор и се очекува дека ќе го потпише оваа недела, пренесуваат бразилските медиуми.
Претседателот на Сантос Марсело Тешеира треба утре да се сретне со таткото на Нејмар за да ги договорат сите услови на новиот договор. Сегашниот договор на Нејмар со Сантос истекува на 30 јуни.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Тешеира претходно оваа недела веќе навести дека е можно клубот да го задржи Нејмар, и покрај шпекулациите дека е во преговори со неколку клубови од Европа.
Новиот договор ќе вклучува бонуси засновани на учинокот, поврзани со број на одиграни натпревари и постигнати голови, а Сантос исто така ќе исплати 13 милиони евра долг преку рати до декември 2026 година. Се очекува Нејмар да се врати на тренинзи во петок.
Откако во јануари се врати во Сантос од Ал-Хилал, 33-годишниот Нејмар запиша три гола и три асистенции на 12 натпревари за овој бразилски тим.
Нејмар планира наредната година во Сантос да ја искористи за да биде во топ форма за Светското првенство во 2026 година, а новиот селектор на Бразил Карло Анчелоти веќе неколкупати изјави дека смета на овој играч за светското првенство.
Учество во игри на среќа е дозволено за лица со 18+ години. Играј одговорно!