Џејдан Санчо е блиску до трансфер во Фенербахче, тврди “Сан”. Клубот на Жозе Мурињо понуди 15 милиони фунти на Манчестер Јунајтед и е подготвен да ги исполни барањата на самиот играч, кој бара плата од 10 милиони по сезона.
Санчо се врати во Манчестер Јунајтед, откако Челзи се откажа од можноста да го земе постојано и дури плати казнена клаузула од 5 милиони фунти на “црвените ѓаволи”. Инаку договорот меѓу двата клуба беше за трансакција вредна 25 милиони фунти. Иако сега сумата е пониска, 20-кратниот шампион е подготвен да го прифати предлогот на турскиот гигант.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Загубите се огромни за “црвените ѓаволи”, кои во 2021 година платија за него 73 милиони фунти на Борусија (Дортмунд).
Санчо постигна пет гола во 41 натпревар во сите турнири во дресот на Челзи. Тој се запиша и во финалето на Лигата на конференциите, но тоа не беше доволно да го убеди раководството на лондонскиот тим да ги откупи неговите права.
Јувентус исто така пројави интерес за Санчо, но сакаше да го земе на заем со опција за купување. Од Јунајтед претпочитаат да ги добијат сигурните 15 милиони од Фенербахче, затоа што им требаат продажби за да ги исполнат финансиските барања на Премиер лигата.
Учество во игри на среќа е дозволено за лица со 18+ години. Играј одговорно!