Реал Мадрид потврди: Мбапе хоспитализиран поради болест!

Откако го пропушти отворањето на ФИФА Светскиот клупски куп против Ал-Хилал во средата навечер, Ѕвездата на Реал Мадрид Килијан Мбапе е хоспитализиран поради гастроентеритис, официјално потврди клубот.

„Нашиот играч Килијан Мбапе има акутен гастроентеритис и е хоспитализиран за различни тестови и третман,“ се вели во изјавата од клубот.

Мбапе, кој е најдобар стрелец на Реал Мадрид оваа сезона, не тренираше со остатокот од тимот во вторник поради болест.

Се веруваше дека Французинот имал температура која го спречила да тренира и на крајот поради тоа не можел да настапи..

Сега, Реал Мадрид потврди дека напаѓачот има случај на акутен гастроентеритис поради кој е хоспитализиран за тестови и третман.

За Реал Мадрид кој треба да игра против Пачука подоцна овој викенд, останува да се види дали нивниот главен стрелец ќе се опорави навреме за натпреварот.

Ако не, Чаби Алонсо најверојатно повторно ќе започне со Гонзало Гарсија како центарфор, откако младиот фудбалер беше стрелец против Ал Хилал (1-1).