Фудбалскиот клуб Ливерпул ја потврди тажната вест. На 85-годишна возраст почина Вили Стивенсон, поранешен фудбалер кој во црвениот дрес имаше значајна улога за време на 1960-тите години, во еден од најважните периоди во историјата на клубот.
Стивенсон во Ливерпул стигна од Ренџерс во октомври 1962 година, по желба на легендарниот менаџер Бил Шенкли. Во наредните години стана клучен човек во средниот ред, познат по техничка вештина и борбеност на позицијата лев халф.
Дел од златната генерација на крајот од шеесеттите
Исхрана, повреди и тренинг – совети од доктор по спортска медицина | Уште еден поткаст
За време на четири полни сезони на „Енфилд“, пропушти само девет лигашки натпревари, освојувајќи две титули прваци на Англија – во 1964 и 1966 година – и историскиот ФА Куп во 1965 година, прв во историјата на Ливерпул. На патот кон тој трофеј, токму Стивенсон изведе пенал против Челси во полуфиналето, со што се обезбеди финалето.
Во дресот на Ливерпул имаше 241 настап и постигна 18 гола, а неговиот последен натпревар беше во ноември 1967 година – само три дена по прошталниот натпревар на Енфилд, каде што постигна победнички гол против Волверхемптон.
Учество во игри на среќа е дозволено за лица со 18+ години. Играј одговорно!