Каков гаф на „Скај Спорт“: Место видео од прославата во Неапол, објавија видео од – Сплит! (Видео)

Фудбалерите на Наполи станаа шампиони на Италија. Тимот на Антонио Конте влезе во последното, 38-мо коло на Серија А со еден бод предност пред Интер и ја задржа предноста со победа од 2:0 против Каљари. Стрелци на головите за победа и четвртата титула беа Скот Мактоминај и Ромелу Лукаку.

Фановите на Наполи со голема еуфорија ја слават втората титула за три години и четвртата во историјата на клубот, но на социјалните мрежи се појавуваат видеа кои немаат врска со Неапол. “Навивачите на Наполи се на повисоко ниво”, објави Sky Sports покрај видео од прослава.

Проблемот е што тоа видео не е снимено во Неапол, туку во Сплит. Станува збор за кадри од прослава на 70-от роденден на Торцида во 2020 година, на што Sky беа предупредени од страна на нивните следбеници во коментарите на објавата. Наскоро потоа, Sky ја отстранија објавата.

Откако Наполи повторно го освои Скудетото, потсетување за сите дека ова е прославата на Торцида за нивниот 70-ти роденден во Сплит, а не Неапол 😅 pic.twitter.com/gsJiyJwj7e

— Croatian Football (@CroatiaFooty) May 23, 2025