Милан повторно станува епицентар на италијанскиот фудбал, а причината е враќањето на тренерскиот гениј

Според најновите информации на Калчомеркато, новиот Милан се „оформува“ со цел веднаш да стане конкурентен за Скудето.

Работите се движат полека, но стратегијата изгледа прилично јасна: идејата е да се создаде италијанска база. Од спортскиот директор до тренерот, вклучувајќи ги и носителите на играта.

Меѓутоа, вистинската бомба во целата приказна е еден специјален човек, легенда на италијанскиот фудбал: Масимилијано Алегри!

Алегри, во својата кариера, не само што го има освоено Скудетото со Милан, туку има стекнато статус на еден од најпрепознатливите тренерски генијалци на Апенинскиот полуостров, со пет освоени титули во Јувентус.

Сепак, Алегри не е само куп на трофеи. Пред сè, тој е тренер кој знае како да се справи со притисокот – и тоа е она што сега му требa на Милан. Иако клубот има амбиции, управата е сè уште релативно неискусна, а тимот – сложен и полн со потенцијал – бара тренер што ќе биде цврста алка помеѓу управата и играчите.

И додека Милан и Алегри сè уште чекаат официјален чекор, едно е јасно: Сан Сиро повторно би можел да стане епицентар на италијанскиот фудбал под неговото водство.