Еден од најпознатите спортски новинари во светот, Фабрицио Романо, ја објави информацијата дека актуелниот тренер на Реал Мадрид, Карло Анчелоти, договорил преземање на фудбалската репрезентација на Бразил.
Според информациите од овој новинар, Фудбалскиот сојуз на Бразил и Анчелоти ги договориле сите детали на соработката, а италијанскиот стручњак треба да ја преземе репрезентацијата веќе во јуни.
Од семејна традиција до модерен бренд ↓↓↓
“Тоа отсекогаш беше клучниот услов за Бразил: потпис пред Светското клупско првенство на ФИФА, не беше опција да се чека до јули”, посочи Романо.
Во наредните денови, според информациите на Романо, двете страни треба да ја формализираат својата соработка.
Фудбалската репрезентација на Бразил во јуни ќе игра два натпревара во квалификациите за Светското првенство.
Според планот, Бразил на 4 јуни треба да одигра натпревар против Еквадор, додека на 7 јуни на домашен терен ќе ја пречека репрезентацијата на Парагвај.
Шпанските медиуми претходно објавија информации дека Реал Мадрид одлучил да му го исплати на тренерот Карло Анчелоти преостанатиот договор до последниот цент иако е јасно дека Италијанецот заминува, објави денеска шпанскиот Релево.
.🚨🇧🇷 Brazilian Federation expect Carlo Ancelotti to be on the touchline already on the first week of June representing the Seleçao.
— Fabrizio Romano (@FabrizioRomano) April 28, 2025
It’s always been a key condition for Brazil: sign before the FIFA Club World Cup, not an option to wait until July.
Formal steps to follow now. pic.twitter.com/XTH7wuy4af
Учество во игри на среќа е дозволено за лица со 18+ години. Играј одговорно!