Анчелоти ќе замине пред крајот на сезоната: Веќе е пред договор за новиот ангажман!

Реал Мадрид испадна од трката за титулата шампион на Европа, додека може лесно да остане и без ниту еден трофеј бидејќи Барса се осамостои на челото на табелата на шпанската Примера.

Станува сè погласно дека “кралскиот клуб” по втор пат ќе се раздели со тренерот Карло Анчелоти, што значи дека италијанскиот стручњак ќе остане без работа на крајот од сезоната.

Сепак, не за долго.

Ако е за верување на информациите до кои стигнал реномираниот Атлетик, Анчелоти ќе стане новиот селектор на Бразил ова лето.

Истиот извор наведува дека договорот ќе биде потпишан до крајот на Светското првенство 2026 година, по што двете страни ќе седнат да преговараат за потенцијално продолжување на соработката.

Претставниците на Фудбалската федерација на Бразил беа присутни на натпреварот финале на Купот на кралот меѓу Реал и Барселона, а главните преговори меѓу двете страни се водеа во Мадрид минатата недела.

По патот на Анчелоти би можел да тргне и неговиот син Давиде, но само ако не добие вистинска понуда за да започне самостојна тренерска кариера, што му е амбиција во блиска иднина.

Имајќи предвид дека Италијанецот ќе наполни 66 години ова лето, селекторската работа во Бразил би дошла како порака бидејќи водењето на националниот тим не бара секојдневен напор како тренирањето на еден фудбалски клуб.

Ако, пак, не дојде до соработка со Анчелоти, Бразилците ќе се свртат кон Жорж Жезус, португалскиот стручњак кој моментално го води Ал Хилал.

Фото: Real Madrid C.F/X