Ниту Модриќ, ниту Брахим: Анчелоти има посебно изненадување со кое ќе го „уништи“ Арсенал

Откако синоќа во полуфиналето на Лигата на шампионите се пласираа екипите на Барселона и Париз Сен-Жермен, вечерва на распоред се преостанатите две полуфинални средби.

Интер на свој терен го пречекува Баерн и ќе се обиде да го одбрани позитивниот резултат остварен во Минхен, но сите очи се вперени во Мадрид и во спектакуларниот реванш меѓу Реал Мадрид и Арсенал.

Арсенал ја изненади фудбалската јавност во првиот натпревар кога со високи 3:0 на Емиратите славеше против Реал Мадрид.

Арсенал изненадно стана фаворит број еден за освојување на овогодишното издание на Лигата на шампионите, но екипата предводена од Микел Артета мора да биде посебно внимателна.

Реал Мадрид повеќепати низ историјата покажал дека можеби е единствениот клуб кој е способен да се врати од вакви и слични ситуации и да оствари напредок.

Тимот на Карло Анчелоти во првиот натпревар беше апсолутно немоќен и одигра една од најлошите натпревари оваа сезона.

Јасно е дека ќе мора да бидат многу подобри во реваншот ако сакаат да направат спектакуларен пресврт и да се пласираат во полуфиналето на Лигата на шампионите.

Според медиумите блиски до Реал Мадрид, „ДефенсаСентрал“, Анчелоти има посебно изненадување за Микел Артета во вечерашниот натпревар.

Се работи за тоа дека играта наводно нема да се врти ниту околу Модриќ, ниту околу Брахим Диаз, туку околу играчот кој никој не го планирал.

Се наведува дека тренерскиот тим на Реал Мадрид одлучил шансата вечерва да ја даде на Ендрик и од него се очекуваат големи работи против Арсенал.

Клучот би требало да биде во неговиот пресинг и создавање простор за другите играчи, а тој има капацитет да го направи сè што се бара од него.

Фото: Real Madrid/FB