Шевченко обвинува: УЕФА не сака Украинец во раководството

Украинецот Андриј Шевченко не беше избран во Извршниот комитет на УЕФА, па ја обвини организацијата дека не сака да има претставник од Украина во раководството.

Во гласањето за новиот состав на Извршниот комитет учествуваа 55 земји, вклучително и претставници од Норвешка, Холандија, Италија, Германија, Хрватска, Естонија и Ерменија.

„За жал, во последните неколку дена добивме сигнали дека поради политички фактори Украина, како и јас лично, нема да бидеме во раководството на УЕФА. Оваа загриженост ја потврдија и настаните за време на самиот конгрес“, изјави Шевченко.

Шевченко во текот на кариерата настапуваше за Динамо Киев, за италијански Милан со кој ја освои Лигата на шампионите како и англиски Челзи.