Манчестер Јунајтед бара замена за Фернандеш помеѓу пет европски ѕвезди

Директорот на Манчестер Јунајтед, Џејсон Вилкокс, направи листа од пет играчи, од кои еден ќе го замени Бруно Фернандеш кој се очекува да го напушти „Олд Трафорд“ на крајот на сезоната.

Најверојатно, Бруно Фернандеш би можел да ја продолжи својата кариера во Реал Мадрид, кој е заинтересиран за него и сака да го доведе во своите редови ова лето.

Португалецот е едно од најдобрите засилувања на Манчестер Јунајтед во последно време, а пристигна за околу 60 милиони евра од Спортинг.

Според новинарите на „Фихајес“, на листата на Манчестер Јунајтед за замена на Фернандеш се наоѓаат пет фудбалери, но сè уште не е јасно на кого ќе падне изборот.

Се работи за Еберечи Езе, Морган Гибс-Вајт, Микел Дамсгард, како и Оскар Глук и Чави Симонс.