Португалецот доби отказ, Арапите не се задоволни од неговите резултати

Пауло Бенто ја презеде репрезентацијата на Обединетите Арапски Емирати во јули 2023 година.

Португалецот Пауло Бенто повеќе не е селектор на репрезентацијата на Обединетите Арапски Емирати, објави Фудбалската федерација на земјата.

„Фудбалската федерација на Обединетите Арапски Емирати одлучи да го отпушти селекторот на националниот тим Пауло Бенто, заедно со неговиот стручен штаб“, објави федерацијата на социјалните мрежи.

UAE dismisses Paulo Bento as head coach of national football teamhttps://t.co/0nsGnrW2rX pic.twitter.com/31gdCJQSb6

— Khaleej Times (@khaleejtimes) March 26, 2025

ОАЕ се трети во група А во квалификациите за Светското првенство, со четири бодови помалку од второпласираниот Узбекистан два кола пред крајот. Двете најдобри селекции од сите три групи ќе обезбедат директен пласман на Светското првенство.

Бенто ја водеше Јужна Кореја 2022 година до нокаут фазата на Светското првенство, а во 2012 година со репрезентацијата на Португалија играше во полуфиналето на Европското првенство.