Барселона ќе се засили со бек од Холандија!?

Фудбалскиот клуб Барселона сака да ја зголеми конкуренцијата на Жил Кунде, а новата цел е – Гиваиро Рид.

Станува збор за десниот бек на Феенорд, кој има само 18 години, но веќе е стандарден член на клубот од Ротердам.

Оваа сезона тој одиграл 17 натпревари во Ередивизија и има дури шест асистенции, а настапил и три пати во Лигата на шампионите.

„Трансфермаркт“ го вреднува на четири милиони евра, но јасно е дека Холанѓаните ќе бараат многу повеќе поради потенцијалот што го поседува.

Инаку, Гиваиро има договор до летото 2028 година, така што Фејнорд не брза со неговата продажба.

Освен Барса, по него следи и Ливерпул, кој сигурно ќе биде активен на оваа позиција на пазарот, во случај да замине Трент-Александер Арнолд.