Спектакуларен трансфер во најава: Салах се сели во Шпанија?!

Мохамед Салах сè уште нема потпишано нов договор со Ливерпул, а наводно се понудил – на Барселона?!

Меѓутоа, оваа вест треба да се прими со голема резерва, бидејќи ја пласираше каталонскиот „Спорт“.

Токму поради тоа, треба најпрво да се истакне дека овој трансфер од неколку причини е нереален. Прво, Барселона на позицијата на Салах ја има својата прва ѕвезда Ламин Јамал, а јасно е дека не можат да играат заедно. Второ, Салах годишно заработува бруто над 20 милиони евра, што во Барселона е недостижно.

И трето, Салах и понатаму има намера да остане во Ливерпул, само што управата на клубот и неговите агенти се наоѓаат во преговори кои не се едноставни. Познато е дека Ливерпул му нуди договор на две години, додека Салах очекува да добие нов тригодишен договор со идентична плата.

Што се однесува до Барселона, Ханси Флик, Деко и Џоан Лапорта се согласни дека им треба засилување во нападот, но најмалку на позицијата десно крило.