Модриќ има план: Сака да го следи примерот на Крос

Во Реал Мадрид сè уште размислуваат за обновување на договорите со важните играчи, но одлуката нема да биде донесена пред април или мај, пишува Defensa Central. Тоа значи дека Модриќ, како и минатата сезона, ќе мора да чека. Клубот е задоволен од неговиот принос оваа сезона и од улогата што ја има, иако Модриќ не е навикнат на второстепена улога.

Модриќ, кој следната година ќе полни 40 години, разбира дека повеќе не може да игра како порано и дека младите играчи треба да ја преземат улогата на прваци во Реал. Затоа не е исклучено дека оваа сезона ќе биде негова последна во мадридскиот клуб. Меѓутоа, Модриќ сака да остане во Реал уште една сезона.

Целта на Модриќ е да игра на Светското првенство 2026 со Хрватска. За да го постигне тоа, треба да игра уште една сезона во некој клуб за да биде во добра форма за репрезентацијата. Заради тоа би му било драго да продолжи во Реал, а по Светското првенство би можел да се повлече од фудбалот на сличен начин како Тони Кроос, кој се пензионираше по Европското првенство 2024.

Реал Мадрид има голема почит кон Модриќ, капитенот на тимот, и најверојатно ќе му го продолжи договорот ако тоа биде неговата желба. Меѓутоа, приоритет секогаш ќе биде благосостојбата на тимот. Модриќ заслужи сам да одлучува за својот иден статус во клубот откако се запиша во историјата на Реал.

Иако неговата улога во тимот со текот на времето ќе слабе, Модриќ сè уште чувствува дека е важен за тимот. Верува дека може да придонесе со квалитет, искуство и лидерство, а сите соиграчи ги почитуваат неговите совети и критики бидејќи е капитен кој зборува со со примери. Не ја изгуби својата магија и секогаш дава сè од себе за тимот, се заклучува во текстот.