Започна ли Салах да се збогува со навивачите на Ливерпул?

Големиот лидер на Ливерпул Мохамед Салах даде искрено интервју и оваа сезона, по што навивачите на тимот останаа со впечаток дека Египќанецот веќе го започнува процесот на простување со нив.

Пред легендата на Ливерпул Стив Макманаман, голгетерот потврди кусо дека нема развој во врска со евентуалниот нов договор, фокусирајќи се на тоа како сака да биде запомнат од навивачите и како се обидува да им помогне на помладите играчи во тимот.

“Сакам навивачите да запомнат дека дадов сè за нив и за градот. Бев тука, не бев мрзлив, туку се уживав во својот фудбал и дадов сè што можев. Мислам дека во овој град е така – луѓето ти даваат љубов и имаш врска со нив, затоа што ти исто така го даваш најдоброто од себе. Сакам само да запомнат дека бев тука осум години и дадов сè од себе. Да бидам тука толку долго не е нешто што го земам здраво за готово. Да се игра за топ-клуб како Ливерпул и да се бори за секој трофеј годишно е неверојатно.

Чувствувам дека сум во многу добра форма и сакам да направам сè за да се осигурам дека играчите околу мене исто така се подобруваат. Не можеш сам да ја освоиш лигата, така што сакаш и другите околу тебе да го дадат најдоброто од себе. Во последните неколку месеци ги анализирам натпреварите за да разберам што им се допаѓа на другите играчи во тимот. Во минатото, кога бев помлад, се фокусирав само на себеси на теренот. Сега се обидувам да разберам како се чувствуваат другите, за да можат да ги изразат своите чувства и да бидат искрени со мене. Тоа е дел од тоа да се биде фудбалер. Растеш и го споделуваш своето искуство со помладите играчи. Разговарам со нив во кафетеријата, во фитнесот. Ако некој е вознемирен од нешто, знае дека може да ги изрази своите чувства за тренерот или за себеси и јас нема да бидам предавник. Тука сум за да ја вршам ‘валканата работа’ на тренерот”, изјави Салах во интервју за TNT.