Венгер за шансите на Арсенал за титула: Се молам секој ден, но изгледа ќе треба подобро

Откако претходните две сезони го заземаше второто место на табелата во Премиер лигата, Арсенал ја дочека сезоната во која Манчестер Сити не изгледа доминантно и во која е пред него на табелата. Сепак, ова сезона проблем за Арсенал е доминацијата на Ливерпул, па екипата на Микел Артета повторно е втора со значително бодовно заостанување за лидерот на англиското првенство.

Арсенал својот последен лигашки наслов го прослави во сезоната 2003/04 кога тимот го водеше Французинот Арсен Венгер. Тој денес има 75 години и веќе некое време не е тренер, туку шеф на глобалниот развој на фудбалот при ФИФА. Сѐ уште го следи лондонскиот клуб во кој беше тренер од 1996 до 2018 година.

На прашањето што треба да се случи за Арсенал на крајот од оваа сезона да ја освои титулата, Венгер одговори:

„Едноставно е, Ливерпул би требало да губи натпревари. Но досега одиграа 25 и загубија само еден. Во следните 13 треба да загубат барем три пати. Во овој момент не изгледа веројатно дека Арсенал ќе ја освои титулата, Ливерпул е супефаворит.“

„Освен тоа, Арсенал би требало совршено да го изведе својот низ. Се молам за титулата, но очигледно треба да го подобрам квалитетот на својата молитва“, додаде Венгер.