Мареска: Овој е голем срам за нас

Менаџерот на Челзи, Енцо Мареска, изрази дека се чувствува засрамен по елиминацијата на неговиот тим од Брајтон во четвртото коло на ФА Купот.

Тој истакна дека е навистина „голем срам“ затоа што Челзи имаше водство, но потоа Брајтон успеа да направи пресврт и победи со 2-1.

„На играчите им кажав пред неколку недели, а им повторив и сега – мора да научиме како да победуваме со 1-0. Големите клубови го прават тоа“

„Ова ни носи навистина голем срам. Сепак, единствената позитивна работа е што сега ќе можеме комплетно да се посветиме на Премиер лигата и на Конференциската лига. Досега играме добро во Премиер лигата и се надеваме дека ќе ја завршиме сезоната на вистински начин“, изјави Енцо Мареска.