Синот на Клајверт веќе е мета на гигантите

Ајакс има неколку големи таленти во својата школа, има и фудбалери кои веќе имаат настапи за првиот тим, како и оние стандарните првотимци.

Џастин Клајверт веќе игра во првиот тим и воодушеви со своите напаѓачки способности, па сега се наоѓа на мета на најголемите европски клубови.

Најсериозен интерес за Клајверт покажува Тотенхем кој веќе оствари контакт со Ајакс и започна преговори за 18-годишниот фудбалер.

Крилниот напаѓач е посакуван од многу клубови, но Тотенхем е фаворит со оглед на фактот што имаат одлични односи со раководството на Ајакс.

Останува да видиме дали „спарси“ ќе успеат да ја победат конкуренцијата и како ќе се снајде Клајверт во Премиер лигата.