Синер се нервираше и губеше, но го продолжи патот кон одбрана на титулата во Мелбурн

Италијанскиот тенисер Јаник Синер го обезбеди пласманот во третото коло на Австралија Опен по победата над Австралиецот Тристан Скалкејт 4:6, 6:4, 6:1, 6:3.

Единственото што Австралиецот успеа да го направи на овој меч е да му одземе сет на Јаник, што не е мала работа, бидејќи Италијанецот загуби сет после 106 дена. 

Синер, сепак, потоа го воспостави својот ритам на игра, па од крајот на вториот сет доминираше во сите аспекти и на крај рутински го обезбеди пласманот во третото коло. 

Во третото коло, Синер за противник ќе го има Американецот Маркос Гирон.