Сити заработи нереална сума и го собори рекордот трета година по ред

Актуелниот англиски фудбалски шампион Манчестер Сити минатата сезона забележа рекорден приход од 715 милиони фунти, објавија „Граѓаните“ на својата официјална веб-страница.

Тоа е трета сезона по ред со рекордни приходи за клубот, но профитот е намален од 80,4 милиони фунти на 73,8 милиони фунти во споредба со минатата сезона.

Сити во сезоната 2023/24. го освои првенството, клупското СП, Суперкупот на Европа и ФА Комјунити Шилд, а главни извори на приходи се рекламите, ТВ правата и „денот на натпреварот“.

“Наша постојана амбиција е да освојуваме трофеи, но и заштитен знак на нашата организација. Овој организациски пристап сега е дел од нашата ДНК. Тоа е производ на непоколеблив фокус на постојано подобрување, во секој аспект на организацијата”, рече претседателот на клубот Калдун Ал Мубарак.