Мбапе го нападна Дешан и предизвика „земјотрес“ во Франција

Сите беа изненадени бидејќи во последно време Дидие Дешан не го селектираше Килијан Мбапе во репрезентацијата на Франција.

Дешан тогаш проба да објасни зошто го направил тоа, но многу брзо се појавија информации во медиумите дека ситуацијата меѓу селекторот на Франција и Мбапе не е многу добра.

Сè започна уште на почетокот на октомври кога Мбапе не беше на списокот за натпреварите на Франција минатиот месец, а тогаш беше објавено дека самиот играч побарал да не биде повикан за да има време за одмор.

Сепак, се очекуваше дека Мбапе ќе се врати во националниот тим за останатите два натпревари од Лигата на нации, но тоа не се случи.

Дешан го објави списокот на „Триколорите“ за натпреварите од Лигата на нации на кој изненадувачки не беше Мбапе, и објасни дека играчот на Реал Мадрид сакал да дојде, но дека на крај била неговата одлука да не го повика.

Откако во последно време не се зборуваше многу за ова, сега Мбапе во изјава за медиумите проговори за тоа.

„Сакав да играм за Франција во ноември. Селекторот одлучи да не ме повика. Не можам да ви кажам зошто. Жалам. Тој може да ви каже ако сака. На мене ми е забрането“, рече Мбапе.