Антиќ: Како што се оди во во кафана за народна музика, така се „гине“ пред „делиите“!

По победата на Црвена Звезда над Барселона, македонскиот кошаркар Перо Антиќ најмногу зборуваше за соиграчот Матијас Лесор.

Антиќ смета дека Звезда покажала вистинска реакција после двата порази во низа и дека било вистинско уживање да се игра пред полна сала.

„Знаевме дека ќе биде многу тешко, бидејќи имавме два порази во низа, но добро реагиравме“, истакна Антиќ кој потоа зборуваше за фантастичните „делии“.

„Како што во кафана се оди поради слушање народна музика, така на теренот се гине кога ќе излезете пред „делиите“. Чуството кога ќе ја слушнеш нивната песна е фантастично. Секако, кафаната не може да се спореди со навивачите. Сите знаете колку ги сакам и колку уживам играјќи пред нив“, изјави македонскиот кошаркар.

Антиќ потоа го пофали и 22 годишниот Французин, Лесор кој постигна 13 поени против Барселона, а имаше и неколку атрактивни „забивања“.