Илиоски го нокаутираше Гркот Христос за пласман во финале

Бобан Илиоски се пласираше во големото финале на Европското првенство во кик-бокс што се одржува во Атина, Грција.

Нашиот кикбоксер во лоу кик во категоријата под 86 килограми во денешното полуфинале го победи Гркот Филис Христос со нокаут во првата рунда.

Противник на Илиоски во борбата за златото ќе му биде Полјакот Ерик Невеовски.

Претходно денеска Стефан Михајловски успеа да дојде до бронза откако во полуфиналето загуби од Украинецот Серхи Бабенко со 2:1 во ктегоријата кик лајт.