Погледнете го шоуто на Меси во квалификациите за Светското првенство. Постигна три, асистираше два гола

Лионел Меси постигна три гола и асистираше уште две, а Аргентина ја совлада Боливија со 6:0 во квалификацискиот натпревар за пласман на Светското првенство во 2026 година.

Ова беше 189. меч за Меси за репрезентацијата со која двапати беше шампион на Копа Америка (2021, 2024) и која ја предводеше до титулата светски првак (2022).

Осумкратниот освојувач на „Златната топка“ сега има 112 гола и 60 асистенции во нив. За Аргентина погодија и Лаутаро Мартинез, Хулијан Алварез и Тиаго Алмада.

„Убаво е што доаѓам овде и ја чувствувам љубовта на луѓето, тоа е она што ме прави среќен. И покрај моите години, се чувствувам како дете и удобно во овој тим. Се додека се чувствувам така и играм на нивото на кое сакам ќе продолжам да уживам“, изјави Меси.