Ерлинг Халанд ја потврди својата блескава форма оваа сезона со историскиот подвиг во норвешката репрезентација.
Тој постигна два гола за домашна победа од 3:0 над Словенија во Лигата на нации. Така во само 36. настап за репрезентацијата постигна дури 34 гола и стана најдобар стрелец во историјата на норвешката репрезентација.
Како е да се биде професионален Counter-Strike играч! ↓↓↓
Веќе импресивен подвиг е уште поголем со фактот што Халанд го постигна на 24-годишна возраст и го собори рекордот на Јорген Јове од 1937 година. Головите на Халанд за историја можете да ги погледнете ТУКА.
Но, вистинската прослава и шок допрва требаше да дојде. По натпреварот, Халанд се врати на тревникот на стадионот во Осло, ја стави топката под дресот во пределот на стомакот и палецот во устата и им позираше на фотографите.
Тој веднаш ја објави сликата на социјалните мрежи со емоџи од мало дете и порака „наскоро“. Тоа беше позитивен шок за неговите соиграчи и норвешката јавност. Секако, тоа значи дека тој и неговата девојка Изабел Хаугсенг Јохансен, која била на натпреварот, чекаат дете.
Маркус Холмгрен Педерсен изјави дека не знаел дека неговиот соиграч станува татко и дека Халанд ги изненадил сите по натпреварот.
И Мортен Торсби е изненаден: „Многу сум среќен за Ерлинг. Денеска беше многу за славење и голем ден за Ерлинг. Не секој ден стануваш најдобар голгетер во репрезентацијата и татко. Дознавме преку Инстаграм. Беше одличен начин да се објави вакво нешто бидејќи не мораше да оди и да им кажува на сите“.
Учество во игри на среќа е дозволено за лица со 18+ години. Играј одговорно!