Откриена причината за лошата форма на Влаховиќ: Се разделил со девојката?!

Душан Влаховиќ игра во лоша форма од почетокот на сезоната, а во последно време се најавуваше и дека тренерот Тијаго Мота може да го пресели на клупата за резерви.

Медиумите во Италија сега пишуваат и за можната причина за ваквата форма на српскиот напаѓач.„Тутоспорт“ тврди дека Влаховиќ има љубовни проблеми поради кои не можел да се фокусира на настапите на теренот.

„Врската на Влаховиќ со Вања Богдановиќ е во криза и двата се разделиле. Напаѓачот и ги избришал сите заеднички фотографии“, објави весникот кој е со седиште во Торино, па е добро упатен со случувањата во клубот.

Сезонава Влаховиќ постигна само два гола и тоа против Верона на 26. август. Кога е репрезентацијата на Србија во прашање повикот минатиот месец го одби со објаснување дека станува збор за „семејни причини“, а сега воопшто не се најде на поширокиот спиок кој го објави селекторот Пикси.