Скандалозното однесување на Даку осудено и од неговиот клуб

И понатаму има реакции поради скандалозното однесување на албанскиот репрезентативец, Мирлинт Даку по натпреварот против Хрватска.

Претходно денес неговото однесување беше осудено од Фудбалската Федерација на Македонија.

Сега се огласи и клубот каде што настапува Даку, Рубин Казан кој изрази разочарување.

„Нашиот клуб не поддржува никакви навредливи акции и гестови. Фудбалерот беше ставен во функција на репрезентацијата, секако дека жалиме за ваквото однесување. Кога во прашање се санкциите против играчот, тоа е во рамките на УЕФА“, соопштија од клубот.