Крос го напушти теренот по неверојатна партија. Погледнете што следуваше

ТОНИ КРОС (34) во својот 110. настап за Германија го одигра најдобриот натпревар за репрезентацијата со која ја освои светската титула и покажа зошто Нагелсман го молел да се врати од репрезентативната пензија.

И сега, еден месец пред дефинитивно и целосно да се пензионира, Крос на отворањето на ЕП против Шкотска во победата од 5:1 одигра совршена партија.

Првото полувреме го заврши без погрешно додавање. Сите 55 топки што ги испрати им ги додаде на соиграчите. До крајот на настапот имаше 101 точен пас од 102 обиди. Така, со 99 проценти прецизност, тој стана играч со најдобро додавање за играч со повеќе од 100 обиди за додавање во историјата на ЕП. Да додадеме дека имаше и 107 допири со топката, 4 клучни додавања и перфектни долги 8/8 топки.

Затоа е јасно што се случи кога Нагелсман го повика да ја напушти играта на 10 минути пред крајот. Овации на преполниот стадион во Минхен.

Toni Kroos received a standing ovation tonight.

101/102 passes completed, the usual masterclass.

pic.twitter.com/Fxp7ob5Iha

— TC (@totalcristiano) June 14, 2024