Саудискиот нафтен гигант „Арамко“ ќе стане главен глобален партнер на Меѓународната фудбалска федерација (ФИФА) до крајот на 2027 година, соопшти денеска ФИФА.
Договорот, чиј износ не беше објавен, и овозможува на саудиската јавна компанија да стане партнер на ФИФА „со права кои покриваат неколку настани“, вклучувајќи го и Светското првенство за мажи во 2026 година и Светското првенство за жени во 2027 година.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Саудиска Арабија, богата со нафта, но често критикувана за кршење на човековите права, веќе неколку години инвестира милијарди долари во спортот.
Инвестирањето во спортот е дел од стратегијата што ја води престолонаследникот Мохамед Бин Салман, како дел од големиот проект „Визија 2033“, чија цел е да го трансформира кралството во земја на бизнис и туризам и да ја намали неговата зависност од нафта.
„Ова партнерство ќе и помогне на ФИФА успешно да ги испорача своите водечки натпреварувања во следните четири години и, како и сите други наши комерцијални договори, ќе ни овозможи да продолжиме да ги поддржуваме нашите 211 асоцијации членки низ светот“, изјави претседателот на ФИФА, Џани Инфантино.
Потсетување дека Светското првенство во 2034 година ќе се одржи во Саудиска Арабија…
Учество во игри на среќа е дозволено за лица со 18+ години. Играј одговорно!