Готово: Баерн се договорил со новиот тренер!

Познатиот каталонски медиум „Мундо Депортиво“ тврди дека се е договорено и Зинедин Зидан ќе биде новиот тренер на Баерн Минхен.

Според информациите, Зидан има договор и недостасува само потписот и работата да биде официјализирана.

Баерн Минхен се поврзуваше со неколку имиња, а откако отпаднале Чаби Алонсо и Нагелсман кој денес го продолжи договорот со Германија, Зидан бил најголемата желба.

„Двете страни ги сметаат преговорите за завршени. Зидан ги претставил своите замисли и побарал засилувања, посебно во одбраната“, објави „Мундо Депортиво“.

Претходно и се најавуваше дека Зидан за помошник ќе го има својот сонародник, Франк Рибери кој голем дел од животот помина во Германија и така би му помогнал околу адаптацијата.